Lanka Metro Transit Receives 7 Nissan Diesel PKG-RA274KAN Space Runner Buses from Japan

This photo was taken on September 03, 2026, in Battaramulla, Western, LK, using a Xiaomi 17T.

Click for the full-size picture.

This photo was taken on September 03, 2026, in Battaramulla, Western, LK, using a  Canon SX420 IS.
Click for the full-size picture.

Lanka Metro Transit (LMT) has taken delivery of seven re-conditioned Nissan Diesel PKG-RA274KAN Space Runner buses, donated to Sri Lanka by the Japanese Government and the people of Yokohama, Japan. The official handover ceremony took place on 02 September 2026, with Japanese Ambassador to Sri Lanka, HE Akio Isomata, formally presenting the vehicles to the Sri Lankan Government. The buses are currently parked at the Thalangama depot premises, before entering passenger service. -- ජපන් රජයේ හා යොකොහාමා නගර ජනතාවගේ ඒකාබද්ධ පරිත්‍යාගයක් ලෙස ශ්‍රී ලංකාවට ලැබුණු නිසාන් ඩීසල් PKG-RA274KAN ස්පේස් රනර් වර්ගයේ බස් රථ හතක්, 2026 සැප්තැම්බර් මස 02 වන දින නිල වශයෙන් ශ්‍රී ලංකා රජයට භාර දෙන ලදී. එහිදී ජපන් තානාපති අකියෝ ඉසොමටා මහතා විසින් මෙම බස් රථ ලංකා මෙට්‍රෝ ට්‍රාන්සිට් සමාගම වෙත නිල වශයෙන් බාරදෙන ලදී. දැනට තලංගම ඩිපෝ පරිශ්‍රයේ ගාල් කර ඇති මෙම බස් රථ, නුදුරේ දීම මගී සේවයට පිවිසීමට නියමිතය.

Lanka Metro Transit Receives 104 Brand-New Foton BJ6123C Buses

This photo was taken on August 03, 2026, in Wattala, Western, LK, using a Xiaomi 17T.
Click for the full-size picture.

This photo was taken on August 03, 2026, in Wattala, Western, LK, using a Xiaomi 17T.
Click for the full-size picture.

Lanka Metro Transit (LMT) has taken delivery of 104 brand-new Foton BJ6123C buses, marking another significant step towards modernizing Sri Lanka's public transport fleet. The new buses arrived in the country on 29 July 2026 and are currently stationed at the State Engineering Corporation (SEC) yard in Wattala, where they are undergoing inspection and pre-delivery preparations before entering passenger service. -- 2026 ජූලි මස 29 වන දින ලංකා මෙට්‍රෝ ට්‍රාන්සිට් (LMT) සමාගම වෙත ගෙන එන ලද ෆෝටන් BJ6123C බස් රථ 104 ක කාණ්ඩයකින් කොටසක් ශ්‍රී ලංකාවට ලැබුණි.  ශ්‍රී ලංකාවේ පොදු ප්‍රවාහන ඇණිය නවීකරණය කිරීමේ තවත් වැදගත් පියවරක් සනිටුහන් කරමින් මෙරටට පැමිණි බස් රථ දැනට වත්තල රාජ්‍ය ඉංජිනේරු සංස්ථාවේ (SEC) අංගනයේ ස්ථානගත කර ඇති අතර, මගී සේවයට පිවිසීමට පෙර ඒවා පරීක්ෂා කිරීම සහ බෙදා හැරීමට පෙර සූදානම් කිරීම්, ආදාළ නියෝජිත ඉන්ද්‍රා ට්‍රේඩර්ස් සමාගම විසින් සිදු කරනු ලැබේ. 

New Foton BJ6129C buses for the Lanka Metro Transit

This photo was taken on April 21, 2026, in Makumbura, Western, LK, using a Canon SX420 IS.

Click for the full-size picture.

A new urban bus service was launched today under the Lanka Metro Transit (LMT) Company. As part of this initiative, 10 Foton BJ6129C model city buses received under the Clean Sri Lanka project were deployed for operation today as a pilot project. These buses, specially designed for urban transport, are equipped with essential features expected in a modern public transportation system. These include low-floor access, facilities to accommodate wheelchairs for passengers with disabilities, and automated fare payment systems. -- අද දින ලංකා මෙට්‍රෝ ට්‍රාන්සිට් (LMT) සමාගම යටතේ නවතම නාගරික බස් රථ සේවාවක් ආරම්භ කරන ලදී. ඒ යටතේ LMT වෙත Clean Sri Lanka ව්‍යාපෘතිය යටතේ ලැබුණු ෆෝටන් BJ6129C වර්ගයේ නාගරික සේවා බස් රථ 10ක් අද දින නියමු ව්‍යාපෘතියක් ලෙස ධාවනයට එක් කරන ලදී. නාගරික සේවා වෙනුවෙන් විශේෂයෙන් සැකසුනු මෙම බස් රථ පහත් පිවිසුම් හැකියාව, ආබාධිත පුරවැසියන්ගේ රෝද පුටු ඇතුළු කිරීමේ හැකියාව, ස්වයංක්‍රීය මුදල් ගෙවීමේ හැකියාව ඇතුළු සම්මත පොදු ප්‍රවාහන පද්ධතියක පැවතිය යුතු පහසුකම් වලින් සමන්විතය.  

ජංගම පුහුණු ඒකකයක් වූ ලංගම බස් රථය

ජංගම පුහුණු ඒකකයකට  පරිවර්ථනය වූ NA-1744 දරණ Mitsubishi Fuso Aero Star වර්ගයේ බස් රථය 2021 මාර්තු 20 දින ජාතික ආධුනිකත්ව සහ කාර්මික පුහුණු කිරීමේ අධිකාරියේ ප්‍රධාන කාර්යාල පරිශ්‍රයේ දී  

ජංගම පුහුණු ඒකකයකට  පරිවර්ථනය වූ NA-1744 දරණ Mitsubishi Fuso Aero Star වර්ගයේ බස් රථය 2021 මාර්තු 20 දින ජාතික ආධුනිකත්ව සහ කාර්මික පුහුණු කිරීම් අධිකාරියේ ප්‍රධාන කාර්යාල පරිශ්‍රයේ දී  

මා ඔබට පූර්වයෙහි සඳහන් කර ඇති පරිදි බස් රථය වනාහී සිය අවසන් නිමේෂය දක්වා මහජනයාට සේවය කරන්නා වූ අපූර්ව වස්තුවකි. එය ලංගම බසයක් වූ කලී එය ලාංකික ජන හදවත් වලට තවත් සමීපය. මේ ඒ වෙනුවෙන් ලැබෙන ආසන්නතම උදාහරණයයි. පොදු ප්‍රවාහනයෙන් විශ්‍රාම ගත් මෙම ලංගම බස් රිය දැන් පරිවර්තනය වී ඇත්තේ වෘත්තීය පුහුණුව හදාරණ දරුවන්ගේ ප්‍රායෝගික දැනුම තීව්‍ර කරන ජංගම පුහුණු ඒකකයකටයි. ජාතික ගමනාගමන සේවයෙන් විශ්‍රාම ගියද එතැන් පටන් මෙම බස් රථය දැයේ තාරුණ්‍යය නිපුණතාවයෙන් පිරිපුන් හෙට දවසක් කරා රැගෙන යාමේ ගමනට එකතු වී ඇත. සැබැවින්ම මෙය ජංගම ඉලෙක්ට්‍රිකල් හා ඉලෙක්ට්‍රොනික තාක්ෂණ විද්‍යාගාරයකි. NA-1744 දරණ Mitsubishi Fuso Aero Star වර්ගයේ මෙම රථය පූර්වයෙහි ශ්‍රී ලංගම ගාල්ල, මට්ටක්කුලිය හා කැස්බෑව යන ඩිපොවන්ට අනියුක්තව පොදු ප්‍රවාහන සේවා සපයා ඇත. 2018 වසරේ ලංකා ජර්මානු කාර්මික අභ්‍යාස ආයතනය වෙත අලුත්වැඩියාව පිණිස යවා ඇති මෙම රථය කලක් එහි පැවතී ඇති අතර 2021 මුල් භාගයේ ශ්‍රී ලංගම මගින් ජාතික ආධුනිකත්ව සහ කාර්මික පුහුණු කිරීම් අධිකාරිය (NAITA) වෙත මෙලෙස පවරා ඇත. පසුව ජාතික ආධුනිකත්ව සහ කාර්මික පුහුණු කිරීම් අධිකාරිය හා ශ්‍රී ලංගම ඒකාබද්ධ ව්‍යාපෘතියක් ලෙස ශ්‍රී ලංගම මහරගම ඩිපෝවේ දී ජංගම ඉලෙක්ට්‍රිකල් හා ඉලෙක්ට්‍රොනික තාක්ෂණ විද්‍යාගාරයක් ලෙස පරිවර්තනය වූ මේ අපූරූ රථය අද දින එනම් 2021 මාර්තු මස 02 වන දින ශ්‍රී ලාංකික දරු පරපුර වෙනුවෙන් තිළිණ වූයේ ජනාධිපතිතුමා අතිනි.

මේ පිලිබඳ ලංගම බස් අඩවිය වෙත අදහස් දැක්වූ ජාතික ආධුනිකත්ව සහ කාර්මික පුහුණු කිරීම් අධිකාරියේ පුහුණු අධ්‍යක්‍ෂතුමන් වන නිලන්ත ද සිල්වා මහත්මා පැවසුවේ බොහෝ කලක සිට තමන්ගේ සිතෙහි තිබූ සිහිනයක්, යම් දවසක සැබෑවක් විය යුතුව තිබූ අවශ්‍යතාවයක් අද ඉටු වූ බවයි. ඒ වෙනුවෙන් නිපුණතා සංවර්ධන, වෘත්තීය අධ්‍යාපන හා නව නිපැයුම් රාජ්‍ය අමාත්‍යංශයටත්, ශ්‍රී ලංකා ගමනාගමන මණ්ඩලයටත් විශේෂයෙන් දින 20 ක් වැනි කෙටි කාලයක දී රථයේ වැඩ නිම කර දුන් මහරගම ඩිපෝවටත් ඒ මහතා ස්තූතිය පළ කරයි. තවදුරටත් අදහස් දැක්වූ ඒ මහතා සඳහන් කළේ ප්‍රායෝගික පරීක්ෂණාගාර නොමැති ප්‍රදේශ වල දරුවන්ගේ පුහුණුව වෙනුවෙන් මෙම රථය යෙදවීමට බලාපොරොත්තු වන බවයි. තවද ඉදිරියේදී විවිධ ක්ෂේත්‍ර ඔස්සේ තවත් මෙවැනි රථ කිහිපයක් නිමවීමටද බලාපොරොත්තු වන බව එතුමා සඳහන් කරන ලදී.

NA-1744 අතීතය

2005 වසරේ ජපාන සුනාමි ආධාරයක් වශයෙන් මෙරටට ලැබී ඇති මෙම රථය 1993 වසරේ නිෂ්පාදනය කරන ලද්දකි. ටෝකියෝ නගරයේ පොදු ප්‍රවාහන අවශ්‍යතා වෙනුවෙන් නිමවී ඇති මෙම රථය 2005 වසරේ ශ්‍රී ලංකාවට ලැබෙන විට ජපානයේ වසර 12 ක සේවා කාලයක් නිම කොට තිබුණි. 2005 වසරේ මෙරටට ලැබීමෙන් පසු ශ්‍රී ලංගම යටතේ ඩිපෝවන් කීපයක් යටතේ පොදු සේවාවන් සඳහා දායක වී ඇති මෙම බස් රථය, මුලින් ශ්‍රී ලංගම ගාල්ල ඩිපෝව යටතේ පැවතී ඇති අතර ශ්‍රී ලංගම යටතේ අවසන් කාළ වකවානුවේ පැවතී ඇත්තේ මට්ටක්කුලිය හා කැස්බෑව ඩිපෝවන් යටතේය.

රථය 2013 වසරේ ශ්‍රී ලංගම මට්ටක්කුලිය ඩිපෝව යටතේ ධාවනය වෙමින්. මේ පිලිබඳ අප පෙර පල කල ලිපිය ලබාගැනීම සඳහා ඡායාරූපය මත click කරන්න.

2015 වසරේ ශ්‍රී ලංගම කැස්බෑව ඩිපෝව වෙත ලැබී ඇති රථය ඩිපෝව මගින් අලුත්වැඩියා කර ධාවනයට සපයන ලදී. 

2015 වසරේ මාර්තු මස කැස්බෑව ඩිපෝ ඉංජිනේරු අංශයේදී අලුත්වැඩියා වෙමින් 

පසුව ලංකා ජර්මානු කාර්මික අභ්‍යාස ආයතනය වෙත යැවී ඇති මෙම රථය ජංගම පුහුණු ඒකකයක් ලෙස නවීකරණය වන තෙක්ම එහි පැවතී ඇත

2019 පෙබරවාරි මස ලංකා ජර්මානු කාර්මික අභ්‍යාස ආයතන පරිශ්‍රයේ දී 

ටෝකියෝ නුවර මගී ජනතාවගේ පොදු ප්‍රවාහන අවශ්‍යතාව වෙනුවෙන් නිම වී, වසර 12 ක් ජපානයට සේවය කර, අහඹු සුනාමි ව්‍යසනය නිමිති කොට ලාංකේය මගියාට සරණ වීමට මෙහි පැමිණ, වසර 13 ක් ලාංකේය මගියා වෙනුවෙන් ඔබ මොබ සැරිසරා ඉනික්බිති රටේ සිසු පරපුරේ නැණස තීව්‍ර කිරීම වෙනුවෙන් යෙදවෙන මේ මහානර්ඝ වස්තුව තවත් බොහෝ කාලයක් ලාංකේය දරු පරපුර වෙනුවෙන් දිවයින පුරා ඔබ මොබ සැරිසරනු දැකීම ලංගම බස් අඩවියේ අපේ අභිප්‍රායයි. 

සටහන: උත්පල දිල්හාන් 

ඡයාරූප: රොෂාන් අතාවුද, උත්පල දිල්හාන් 

විශේෂ ස්තූතිය: ජාතික ආධුනිකත්ව සහ කාර්මික පුහුණු කිරීම් අධිකාරිය

මුහුදු පතුලේ කෘතීම වාසස්ථාන ලෙස බස් රථ ස්ථානගත කිරීමේ ව්‍යාපෘතිය

මුහුදු පතුලේ කෘතීම වාසස්ථාන ලෙස බස් රථ ස්ථානගත කිරීමේ ව්‍යාපෘතිය යටතේ මුහුදු පත්ලේ ගිල්වන ශ්‍රී ලංගම මතුගම ඩිපෝවට අයත්ව තිබුණු 63-2961 දරණ Wesco ISUZU MT112 වර්ගයේ (Ex-Mobile Operation Unit) බස් රථය.

ශ්‍රී ලංකා මුහුදු කලාපය තුල මත්ස්‍ය ගහණය වැඩි කිරීමේ අරමුණින් මත්ස්‍ය පැටවුන් සඳහා කෘතීම වාසස්ථාන මුහුද පතුලේ තැන්පත් කිරීමේ ව්‍යාපෘතියේ දෙවන අදියර දකුණු මුහුදු කලාපය කේන්ද්‍ර කර සිදු කිරීම ගාල්ල ධීවර වරායෙන් 2021 පෙබරවාරි 27 දින ආරම්භ කරන ලදි. මෙම ව්‍යාපෘතිය ධීවර දෙපාර්තමේන්තුවේ මෙහෙයවීමෙන් ශ්‍රී ලංකා ධීවර වරාය නීතිගත සංස්ථාව, නාරා ආයතනය සහ ශ්‍රී ලංකා නාවික හමුදාව ඒකාබද්ධව ක්‍රියාත්මක කර ඇත. මේ වෙනුවෙන් ධීවර දෙපාර්තමේන්තුවේ මුල්‍ය ප්‍රතිපාදන මගින් මිලදී ගත් ධාවනයෙන් ඉවත් කර බොහෝ කාලයක් ඩිපෝ පරිශ්‍රයන් තුල අබලන් ව පැවති ශ්‍රී ලංගම බස් රථ, පැරණි දුම්රිය මැදිරි කොටස් සහ පුද්ගලයන් විසින් ලබා දෙන ලද භාවිතයෙන් ඉවත් කල මෝටර් රථ මෙන්ම වරායන් තුල වසර ගණනාවක් ගොඩ ගැසී තිබූ භාවිතයෙන් ඉවත් කරන ලද සහ නීති විරෝධී කටයුතු තුලින් රාජසන්තක කරන ලද ධීවර යාත්‍රා ද  භාවිතා කර ඇත. මෙය මත්ස්‍ය ගහණයට මෙන්ම කිමිදුම් සංචාරක කර්මාන්තය දියුණු කිරීමටද ඉවහල් වන බව සාගර විද්‍යාඥයන් ගේ මතයයි. 

මෙම ව්‍යාපෘතිය යටතේ 2021 පෙබරවාරි මස 27 දින මුහුදු පත්ලේ ගිල්වූ බස් රථ වන්නේ 30ශ්‍රී1256 දරණ ශ්‍රීලංගම බඳ සහිත අශෝක් ලේලන්ඩ් Viking 222 වර්ගයේ බස් රථය, 61-9091 දරණ අශෝක් ලේලන්ඩ් Comet Minor වර්ගයේ බස් රථය, 63-2961 දරණ Wesco ISUZU MT112 වර්ගයේ බස් රථය, NA-0558 දරණ Mitsubishi Aero Star වර්ගයේ බස් රථය සහ NA-1729 දරණ Mitsubishi Aero Star වර්ගයේ බස් රථය යන බස් රථයයි.

30ශ්‍රී1256 දරණ ශ්‍රීලංගම බඳ සහිත අශෝක් ලේලන්ඩ් Viking 222 වර්ගයේ බස් රථය

61-9091 දරණ අශෝක් ලේලන්ඩ් Comet Minor වර්ගයේ බස් රථය

NA-0558 දරණ Mitsubishi Aero Star වර්ගයේ බස් රථය

NA-1729 දරණ Mitsubishi Aero Star වර්ගයේ බස් රථය

ඉදිරි මාස තුනක කාලය තුල  හම්බන්තොට, මාතර සහ ගාල්ල අවට මුහුදු ප්‍රදේශයේ ව්‍යාපෘතිය තව දුරටත්  ක්‍රියාත්මක වේ. පළමු අදියර වශයෙන් ත්‍රිකුණාමලය අවට නැගෙනහිර මුහුදු සිමාවේ ස්ථාන 32 සාර්ථකව මෙම ව්‍යාපෘතිය ක්‍රියාත්මක කර ඇත.

Multimodal Transport Center, Makumbura -- මාකුඹුර බහුවිධ ප්‍රවාහන මධ්‍යස්ථානය

මාකුඹුර බහුවිධ ප්‍රවාහන මධ්‍යස්ථානයේ අධිවේගී බස් රථ පර්යනතයක නවතා ඇති ම.බ.කා. ඩිපෝවට අයත් King Long XMQ6127CY වර්ගයේ බස් රථයක්

මාකුඹුර බහුවිධ ප්‍රවාහන මධ්‍යස්ථානයේ අධිවේගී බස් රථ පර්යනතයන්හි නවතා ඇති අධි සුඛෝපබෝගී සංචාරක ප්‍රවාහන සේවාවට සහ අධිවේගී මාර්ග ප්‍රවාහන සේවා පුද්ගලික සමාගමට (මහාමාර්ග අමාත්‍යංශය අනුබද්ධ) අයත්  YUTONG ZK6930H වර්ගයේ බස් රථ

මාකුඹුර බහුවිධ ප්‍රවාහන මධ්‍යස්ථානයේ අධිවේගී බස් රථ පර්යනතයන්හි නවතා ඇති ශ්‍රී ලංගම තංගල්ල ඩිපෝවට සහ අධි සුඛෝපබෝගී සංචාරක ප්‍රවාහන සේවාවට අයත් බස් රථ

මාකුඹුර බහුවිධ ප්‍රවාහන මධ්‍යස්ථානය යනු කොළඹ ආශ්‍රිත පොදු ප්‍රවාහන මාධ්‍යන් කීපයක් එක් ස්ථානයකට ගොනු කර සැකසූ ප්‍රවාහන මධ්‍යස්ථානයකි. කොළඹින් බාහිර ප්‍රදේශ වල සිට පැමිණෙන බස් රථ ඇතුළු වාහන කොළඹ නගරයට ඇතුළු කරවීම වෙනුවට ප්‍රවාහන මධ්‍යස්ථාන කීපයකට රැස් කර කොළඹට ඇතුළු වන රථ සංඛ්‍යාව සීමා කරවීමේ රජයේ සැලැස්මේ පළමු පියවර ලෙස මෙය සැලකේ. 2019 වසරේ මාර්තු මස 31 දින විවෘත කරන ලද මධ්‍යස්ථාය මේ වන විට අධිවේගී මාර්ගයේ මහරගම දෙසට පැමිණෙන බස් රථ, හයිලෙවල් මාර්ගයේ ධාවනය වන සාමාන්‍ය සහ සුඛෝපබෝගී බස් රථ, කැළණිවැලි මාර්ගයේ ධාවනය වන දුම්රිය හා ශ්‍රී ලංගම අළුතින් හඳුන්වාදුන් "Park and ride City Bus" යන සේවාවන් සම්බන්ධීකරණය කරයි.

මාකුඹුර බහුවිධ ප්‍රවාහන මධ්‍යස්ථානයේ නවතා ඇති ශ්‍රී ලංගම අධි සුඛෝපබෝගී සංචාරක ප්‍රවාහන සේවාව, තංගල්ල, මහරගම, අම්බලන්තොට, ම.බ.කා. ඩිපෝවන්ට සහ කොළඹ City Bus සේවාවට අයත්  බස් රථ

ශ්‍රී ලංකාවේ ප්‍රවාහන ක්ෂේත්‍රයට නව අත්දැකීමක් වූ මාකුඹුර බහුවිධ ප්‍රවාහන මධ්‍යස්ථානය ඒ වෙත පැමිණෙන මගී ජනතාවට පහත සඳහන් පහසුකම් ලබා දේ.

• සුඛෝපබෝගී බස් රථ සේවාවන් ලබා ගැනීමේ හැකියාව.
• හයිලෙවල් මාර්ගයේ ධාවනය වන සාමාන්‍ය බස් රථ සේවා ලබා ගැනීම.
• Park and Ride City Bus සේවාව යටතේ ආරක්ෂිතව වාහන නවතා යෑමේ පහසුකම.
• කැළණිවැලි මාර්ගයේ දුම්රිය සේවාවන් සහ දුම්රිය ප්‍රවේශ පත්‍ර වෙන් කිරීමේ හැකියාව.
• නවීන මගී පර්යන්ත සහ මගීන්ට රැඳී සිටීමට ස්ථාන.
• ඩිජිටල් කාලසටහන් මගින් බස් රථ හා දුම්රිය තොරතුරු ලබා ගැනීමේ හැතියාව.
• භාණ්ඩ හැසිරවීම සඳහා විශේෂ පහසුකම්.
• ව්‍යායාම කි‍රීමේ පහසුකම.
• ATM පහසුකම්.
• ශ්‍රවණාගාර පහසුකම්

මාකුඹුර බහුවිධ ප්‍රවාහන මධ්‍යස්ථානය අනුබද්ධ දුම්රිය ස්ථානය 

 මගීන්ට රැඳී සිටීමට ඇති ස්ථානයක් 

ස්වයන්ක්‍රීය පඩිපෙල්

පඩිපෙල්

ආපන ශාලාව 

ස්වයංක්‍රීය ටෙලර් යන්ත්‍ර

ශ්‍රවණාගාරය

මාර්ග තදබදය අවම කරීම පිණිස ජනතාව පොදු ප්‍රවාහනය වෙත ආකර්ෂණය කර ගැනීම සඳහා මෙවැනි නවමු ඉදිකිරීම් මනා පිටිවහලක් වනු නොඅනුමානය. සියළුදෙනා වෙනුවෙන් මෙය රැක ගැනීම සෑම පුරවැසියෙකුගේම වගකීම වේ.

ප්‍රධාන පිවිසුම 

මාකුඹුර බහුවිධ ප්‍රවාහන මධ්‍යස්ථානය

මධ්‍යස්ථානයේ නිල වෙබ් අඩවියට පිවිසීමෙන් ඒ පිලිබඳ තවත් තොරතුරු පිරික්සීමේ හැකියාව පවතී. 

නිල වෙබ් අඩවිය: www.mmck.lk

සටහන: උත්පල දිල්හාන්

කොළඹ 'City Bus' සේවය -- Colombo 'City Bus' Service

'City Bus' සේවාව සඳහා යොදාගන්නා බස් රථ

කොළඹ නගරය කේන්ද්‍ර කරගනිමින් 'City Bus' සේවාව අද ජනාධිපති ගෝඨාභය රාජපක්ෂ මැතිතුමාගේ ප්‍රධානත්වයෙන් ආරම්භ විය. මෙය ක්‍රියාත්මක වන්නේ 'Park and Ride' සේවාවක් හෙවත් මගියාගේ පුද්ගලික වාහනය ගාල් කර බස් රථයෙන් කොළඹ නගරයට ඇතුළු විය හැකි අයුරිනි. කොළඹ නගරය ආශ්‍රිත වාහන තදබදයට පිළියමක් ලෙස හඳුන්වා දෙන “Park & Ride” බස් රථ සේවාවේ පළමු අදියර කොට්ටාව, මාකුඹුර බහුවිධ ප්‍රවාහන මධ්‍යස්ථානය කේන්ද්‍ර කරගනිමින් අද (2021 ජනවාරි 15) දින පෙරවරුවේ ආරම්භ කෙරිණ.

පුද්ගලික අංශයෙන් කුලී පදනම මත ලබා ගන්නා ලද බස් රථ බස් රථ 25 ක පමණ ඇණියකින් මුල් අදියරේ නියමු ව්‍යාපෘතිය ක්‍රියාත්මක වේ. ඒ සඳහා Toyota Coaster, Mitsubishi Rosa යන වර්ග ප්‍රමුඛව යොදාගෙන ඇති බව නිරීක්ෂණය වේ. ඉදිරියේ දී පත්ල පහත් (low Floor) නාගරික සේවා බස් රථ 200 ක ඇණියක් මෙම සේවාව සඳහා ශ්‍රී ලංගමට ලබා දීමට නියමිතය.

'City Bus' සේවාව සඳහා යොදාගන්නා බස් රථ

'City Bus' සේවාව සඳහා යොදාගන්නා බස් රථ

මෝටර් රථයෙන් සහ යතුරු පැදියෙන් ගමන් ගන්නා මගීන් සඳහා සුවපහසු, ආරක්ෂිත පොදු ප්‍රවාහන බස්රථ සේවාවක් සැපයීම මගින් කොළඹ සහ තදාසන්න නගර වලට ගමන් කරන වාහන සංඛ්‍යාව අඩු කිරීම මෙම ව්‍යාපෘතියේ අරමුණයි. පරිසර දූෂණය, වැයවන කාලය සහ මගීන්ගේ මානසික පීඩනය අවම කිරීම ද අපේක්ෂා කෙරේ. 

ආසනගත මගීන් පමණක් රැගෙන යාමට සුඛෝපභෝගී බස්රථ පමණක් යොදා ගැනේ. අයකෙරෙන මුදල සාමාන්‍ය බස් රථ ගාස්තුව මෙන් දෙගුණයකි. නැවතුම්පොළ සීමිත සංඛ්‍යාවකින් පමණක් මගීන් නංවා ගැනීම, අඩු කාලයකින් ගමනාන්තය කරා ළඟාවීම, ආචාරශීලී, සුහදශීලී හා ආකර්ශණීය ප්‍රවාහන සේවාවක් සැලසීම, තාක්ෂණය උපයෝගී කරගෙන දිනපතා කෙරෙන පසුවිපරම සහ Clock Wise හා Anti Clock Wise ගමන් වර්ග දෙකක් ක්‍රියාත්මක වීම වැඩසටහනට අයත් වේ. 

මගීන්ට සිය පුද්ගලික වාහනය ආසන්නතම Park & Ride රථ ගාලෙහි මුදල් ගෙවීමකින් තොරව නතර කර තැබීමට පහසුකම් සලසා තිබේ. වැඩසටහනෙහි ප්‍රගතිය සැලකිල්ලට ගෙන වාහන නවතා තැබීමේ ඉඩ තවදුරටත් පුළුල් කිරීමට ලංගම සූදානමින් සිටී. පෙ.ව 06.00 සිට පෙ.ව 08.00 සහ ප.ව 04.00 සිට ප.ව 09.00 දක්වා විනාඩි 15 කට වරක් බස් රථ ධාවනය කරනු ලැබේ. පෙ.ව 08.00ත් ප.ව 04.00 ත් අතර කාලය තුළ බස් රථ ධාවනය වන්නේ විනාඩි 25කට වතාවකි. දැනට, දිනකට ගමන් වාර 64ක් සිදු කෙරේ.

'City Bus' සේවාව ක්‍රියාත්මක වන මාර්ග සිතියම. නිල් පැහැයෙන් වාහන ගාල් කල හැකි ස්ථාන දැක්වේ.

ධාවන_මාර්ගය 01

මාකුඹුර - කොට්ටාව - පන්නිපිටිය - තලවතුගොඩ - පැලවත්ත - බත්තරමුල්ල - රාජගිරිය - බොරැල්ල - මරදාන - පිටකොටුව - ගාමිණි හෝල් - පුරහල - නුගේගොඩ - කොට්ටාව - මාකුඹුර 

ධාවන_මාර්ගය 02

මාකුඹුර - මහරගම - නුගේගොඩ - නාවල - නාරාහේන්පිට - ටොරින්ටන් - පුරහල - කොම්පඤ්ඤ වීදිය - ගාලුමුවදොර - බම්බලපිටිය - තුම්මුල්ල - කිරුලපන - මාකුඹුර

ජාතික ගමනාගමන කොමිෂන් සභාව, ශ්‍රී ලංකා පොලීසිය, මාර්ග සංවර්ධන අධිකාරිය, නාගරික සංවර්ධන අධිකාරිය සහ කොළඹ මහ නගර සභාව යන ආයතනවල දායකත්වය ද ව්‍යාපෘතියට හිමිව ඇත.
ව්‍යාපෘතිය ක්‍රියාත්මක වන ආකාරය, බස් රථ කාල සටහන සහ ආසන්නතම බස් රථයේ ළඟාවීම දැනගැනීමටත් හඳුන්වා දී ඇති විශේෂ 'City Bus' නම් ජංගම දුරකථන මෘදුකාංගය (APP) දියත් කිරීමද සමඟාමීව සිදුකෙරිණි.

'City Bus' නම් ජංගම දුරකථන මෘදුකාංගය (APP) 

'City Bus' ජංගම දුරකථන මෘදුකාංගය (APP) මෙතැනින් ගන්න  

විවෘත කිරීමෙන් පසු නව සේවාව සඳහා යොදවා ඇති බස් රථයක ගමන් කළ ජනාධිපතිතුමාද එහි පහසුකම් නිරීක්ෂණ කළේය.

'City Bus' සේවාව ආරම්භ කරමින් ජනාධිපතිතුමා අතින් විවෘත වූ බස් රථය.

ජනාධිපතිතුමා, ප්‍රවාහන ඇමතිවරුන් සහ ශ්‍රී ලංගම සභාපතිතුමා බස් රථයෙන් ගමන් කිරීම.

ශ්‍රී ලංගම මධ්‍යම අභ්‍යාස විද්‍යාලය - කළුතර (SLTB Talents Amelioration center)

මධ්‍යම අභ්‍යාස විද්‍යාලය පිහිටුවා ඇති  "තිලක වලව්ව"

ශ්‍රී ලංගම මධ්‍යම අභ්‍යාස විද්‍යාලය යනු මණ්ඩලයට අවශ්‍ය කාර්මික නොවන සේවක ප්‍රජාව පුහුණු කිරීම හා ඔවුන්ගේ කුසලතා වර්ධනය පිණිස මණ්ඩලය මගින් පවත්වාගෙන යන අභ්‍යාස විද්‍යාලයකි. ආයතනය 1980 වසරේ "ශ්‍රී ලංකා මධ්‍යම ගමනාගමන මණ්ඩලයේ මධ්‍යම රියදුරු අභ්‍යාස විද්‍යාලය" නමින් ආරම්භ වී ඇත. ආයතනය පිහිටුවීමේ මූලික අරමුණ වී ඇත්තේ මණ්ඩලයට අවශ්‍ය රියදුරන් පුහුණු කිරීම, ලංගම රියදුරු අභ්‍යාස විද්‍යාල සම්බන්ධීකරණය කිරීම හා බාහිර පාර්ශව වෙනුවෙන් රියදුරු පුහුණු සේවා ක්‍රියාත්මක කිරීමය. ආයතනය පිහිටා ඇත්තේ කළුතර පළාතොට වන අතර ඒ සඳහා යොදාගෙන ඇත්තේ රජයට පරිත්‍යාග ලෙස ලැබී ඇති "තිලක වලව්ව" නම් පැරණි වලව්ව හා ඒ ආශ්‍රිත භූමියයි. පසුකාලීනව මෙම මධ්‍යම රියදුරු අභ්‍යාස විද්‍යාලයට අනුබද්ධව නුගේගොඩ, මොරටුව හා පොතුහැර රියදුරු අභ්‍යාස විද්‍යාල ආරම්භ කර ඇති අතර පොතුහැර රියදුරු අභ්‍යාස විද්‍යාලය මේ වන විට මධ්‍යම රියදුරු අභ්‍යාස විද්‍යාලය හරහා පාලනය නොවේ. 2015 වසරේ මධ්‍යම අභ්‍යාස විද්‍යාලයට අනුබද්ධව ශ්‍රී ලංගම බුලත්සිංහල රියදුරු අභ්‍යාස විද්‍යාලයද අරඹා ඇත.

ලංගම බස් රථ කාණ්ඩ (E, D, C, B, B+, A, A+)

ලංගම සම්මතයන්ට අනුව බස් රථයේ කාණ්ඩය සඳහන් කළ යුතු ආකාරය 

1958 වසරේ බස් ජනසතුවත් සමඟ සමස්ථ දිවයිනේම පොදු ප්‍රවාහන වගකීම ලංකා ගමනාගමන මණ්ඩලය සතු විය. විවිධාකාර තත්වයන්ගෙන් යුත් ප්‍රදේශ වල පිහිටි බස් සමාගම් හැත්තෑවක් පමණ එකවර පවරාගෙන ප්‍රවාහන සේවා පවත්වාගෙන යාම යනු සරළ කරුණක් නොවේ. එම නිසා ලංගමට සෑම විටම සම්මත ක්‍රමවේද හා ආයතනික සම්ප්‍රදායන් හඳුන්වා දීමට සිදු වී ඇත. එලෙස හඳුන්වා දුන් ක්‍රමවේදයන් අතර බස් රථ කාණ්ඩ අනුව වෙන් කිරීමේ ක්‍රමවේදය ද විශේෂය.

ලංකා ජර්මානු කාර්මික අභ්‍යාස ආයතනය -- Ceylon German Technical Training Institute (CGTTI)

ලංකා ජර්මානු කාර්මික අභ්‍යාස ආයතනය ශ්‍රී ලංකාවේ මෝටර් කාර්මික ක්ෂේත්‍රයේ හා ඒ ආශ්‍රිත අනෙකුත් ක්ෂේත්‍ර වල නිපුණතාවයෙන් යුත් කාර්මික පිරිසක් බිහි කිරීම වෙනුවෙන් පුරෝගාමී වූ ප්‍රධාන පෙලේ වෘත්තීය සහ කාර්මික පුහුණු ආයතනයකි. 1959 වර්ෂයේ ජර්මානු ෆෙඩරල් ජනරජය (එවකට නැගෙනහිර ජර්මනිය), ශ්‍රී ලංකා ජනරජය සමඟ ඇති කරගත් ගිවිසුමක ප්‍රතිඵලයක් වශයෙන් මෙම ආයතනය "ලංකා ජර්මානු අභ්‍යාස විද්‍යාලය" නමින් ආරම්භ කර ඇත්තේ ලංකා ගමනාගමන මණ්ඩලය යටතේය. ඒ අනුව ලංගමට අයත් වේරහැර මධ්‍යම වැඩපොළ භූමි භාගයේ ආයතනය ස්ථාපනය වී ඇත.

ලංගම මතක සටහන් - ලිපි අංක 07

This photo was taken in 1992 in Randenigala, Central, LK.
Click for the full size picture.

සත් වන මතක සටහන ලෙස ඔබට ගෙන එන්නේ ජනතා සන්තක ප්‍රවාහන සේවය කිරිඳිවැල ඩිපෝව හා බැඳුණු මතක සටහනකි. 1992 වසරේ සීමාසහිත කිරිඳිවැල ජනතා සන්තක ප්‍රවාහන සේවයේ සේවක පිරිස වසින් මෙම TVS බඳ සහිත අශෝක් ලේලන්ඩ් වයිකින්ග් බස් රථයෙන් (KD 35 / 61-4150) සුභසාධක චාරිකාවක් පැමිණි අපූරු මතක සටහනකි. මෙම ඡායාරූපය 1992 වසරේ රන්දෙනිගල ප්‍රදේශයේ චාරිකාව අතරතුර ලබගාන්නා ලද්දකි. මෙම මතක සටහනේ හිමිකරුවා වන්නේ එවකට කිරිඳිවැල ඩිපෝවේ රියදුරු මහතෙකු වශයෙන් සේවය කල එම්. පී. රූපසිංහ මහතාය. සුදු වර්ණ සහිත කමිසයකින් ඔහුද ඡායාරූපයේ පෙනී සිටී. අප වෙත එවන ලද්දේ ලංගම බස් අඩවියේ පාඨක අනුර සෝමරතන මහතා විසිනි.

මෙම බස් රථය පිලිබඳ අමතර යමක් සඳහන් කරන්නේ නම්, මෙය සම්පූර්ණයෙන්ම ඉන්දියාවේ නිමවූ බස් රථයක් වන අතර TVS සමාගමේ එකලස් කරන ලද බඳකින් යුක්ත වී ඇත. රථය උදාගම් වැඩපිළිවෙළ යටතේ කෑරගල මහාබෝධිගම ගම්මානය ආරම්භක අවස්ථාවේදී, මාර්ග අංක 227 යටතේ යටතේ හේනේගම හා කොළඹ අතර ධාවනය සදහා යෙදවූවකි. එලෙස ධාවනය කරවීම සඳහා 1991 වසරේ දී බස්‍ රථය ඩිපෝව වෙත ලබා දී ඇත්තේ භික්‍ෂූන් වහන්සේ නමක් විසිනි. මෙම බඳ සහිත බස් රථ ඉතා සීමිත ගණනක් පමණක් ලංගම යටතේ මෙන්ම සමස්ථ ශ්‍රී ලංකාවේම තිබී ඇත.

චාරිකාව අතරතුර ලබාගත් තවත් ඡායාරූපයක්.

This photo was taken in 1992 in Randenigala, Central, LK.
Click for the full size picture.

ඔබටත් ශ්‍රී ලංගම හා බැඳුනු මෙවන් සුන්දර මතකයන් තිබෙන්නට ඇති. ඒවා ලංගම බස් අඩවියේ පාඨක ප්‍රජාව සමඟ බෙදා ගැනීමට, ඡායාරූපයේ විස්තරද සමඟ අදම අප වෙත යොමු කරන්න>> sltbbus@hotmail.com

ලංගම මතක සටහන් - ලිපි අංක 06

This photo was taken in 1995 in Anuradhapura, North Central, LK.
Click for the full size picture.

සය වන මතක සටහන ලෙස ඔබට ගෙන එන්නේ පුද්ගලීකරණය කරන ලද ලංගම කහගොල්ල මධ්‍යම වැඩපොළ නොහොත් කෙස්කෝ (කහගොල්ල ඉංජිනියරින් සර්විසස් කෝපරේෂන්) වැඩපොළ හා බැඳුණු මතක සටහනකි. 1995 වසරේ කහගොල්ල වැඩපොළේ සේවක පිරිස විසන් වැඩපොළේ සේවක ප්‍රවාහන රථයක් ලෙස යොදාගත් මෙම මර්සිඩීස් බෙන්ස් OP312 වර්ගයේ (22ශ්‍රී4873) බස් රථයෙන් සුභසාධක චාරිකාවක් පැමිණි අපූරු මතක සටහනකි. මෙම ඡායාරූපය 1995 වසරේ අනුරාධපුර දී ලබගාන්නා ලද්දකි. මෙම මතක සටහනේ හිමිකරුවා වන්නේ එවකට කෙස්කෝ වැඩපොළේ ගබඩා භාරකරු ලෙස කටයුතු කල එන්. එච්. විමලසේන මහතාය. අප වෙත එවන ලද්දේ කවිස්සර සංජීව මහතා විසිනි.

මෙම බස් රථය පිලිබඳ අමතර යමක් සඳහන් කරන්නේ නම්, මෙය 1958 බස් ජනසතුවට සමගාමීව ලංගම රථ ඇණිය හා එක් වූ මර්සිඩීස් බෙන්ස් OP312 වර්ගයේ බස් රථයකි. තට්ටුව ජර්මනියේ නිෂ්පාදිත අතර බඳ ස්විස්ටර්ලන්ත වෝල් සමාගමේ නිමවා ඇත. බස් රථය ලංගම මහනුවර දකුණ ඩිපෝවට ලැබී ඇති අතර 1980 දශකයේ මුල භාගයේ මධ්‍යම ගමනාගමන මණ්ඩලයේ බදුල්ල ඩිපෝව වෙත අනියුක්ත කර ඇති අතර එම ඩිපෝව යටතේ කෙටි දුර සේවා හා විශේෂ චාරිකා සඳහා යොදාගෙන ඇත. 1986 වසරේ මධ්‍යම ගමනාගමන මණ්ඩලයේ කහගොල්ල වැඩපොළට සේවක පිරිස් ප්‍රවාහනය සඳහා මෙම රථය ලබා දී ඇත. 1991 ජනතාකරණයෙන් පසු කහගොල්ල වැඩපොළ පුද්ගලික අංශයට (ලටෙක් සමාගමට) පවරා ඇති අතර මෙම ඡායාරූපය ලබාගන්නා අවධියේ (1994 න් පසු) වැඩපොළ රජය සතුව කෙස්කෝ හෙවත් කහගොල්ල ඉංජිනියරින් සර්විසස් කෝපරේෂන් නමින් පවත්වාගෙන ගොස් ඇත. කෙසේ වූවද 2000 වසරේ වැඩපොළ නැවත පුද්ගලික අංශයට පැවරී ඇති අතර පුද්ගලික අංශය මගින් වැඩපොළ වසාදමා එහි තිබුණු යන්ත්‍රසූත්‍ර ආදියද විකුණා දමා ඇති අතර මෙම බස් රථයද එලෙසම විකිණී ගොස් ඇත.

ඔබටත් ශ්‍රී ලංගම හා බැඳුනු මෙවන් සුන්දර මතකයන් තිබෙන්නට ඇති. ඒවා ලංගම බස් අඩවියේ පාඨක ප්‍රජාව සමඟ බෙදා ගැනීමට, ඡායාරූපයේ විස්තරද සමඟ අදම අප වෙත යොමු කරන්න>> sltbbus@hotmail.com

Ruby bodied TATA LP 1510/42 bus from SLTB Badulla depot

This photo was taken on November 28, 2013 in Badulla, Uva, LK, using a Canon IXUS 210.
Click for the full size picture.

Sri Lanka Transport Board (SLTB) Badulla depot, Ruby bodied TATA LP 1510/42 bus (NA-2662) at the badulla bus stand. Allocated for the services between badulla and Akiriya. Today (06/01/2020) When the bus traveling towards Madolsima from Passara, had fallen off a precipice near the 6th-mile post on the Passara-Madulsima road at around 5.20 pm this evening. Twelve persons are reported dead from the accident. -- ශ්‍රී ලංකා ගමනාගමන මණ්ඩලයේ (ශ්‍රී ලං.ග.ම.) බදුල්ල ඩිපෝව යටතේ ධාවනය වූ, රුබී බඳ සහිත ටාටා LP 1510/42 වර්ගයේ බස් රථයක් බදුල්ල බස් නවතුමේ දී. 2006 වසරේ ධාවනයට එක් වී ඇති රථය ඡායාරූප ලබාගන්නා අවස්ථාවේ ඇකිරිය හා බදුල්ල අතර ධාවනයට යොදවා තිබුණි.

මෙම ලිපිය පල වන අද දින (2020/01/06), සවස 17.20 ට පමණ  බදුල්ල සිට ඇකිරිය බලා ධාවනය වෙමින් තිබියෙදී එම මාර්ගයේ 06 කණුව ප්‍රදේශයේදී ප්‍රපාතයකට පෙරළී ගොස් ගමන් ගත්  අය  12 දෙනෙකු පමණ මිය ගොස් 36 දෙනෙකු පමණ තුවාල ලබා ඇත. බස් රථයද දැඩි ලෙස විනාශ වී ඇත. එම අවාසනාවන්ත අනතුරෙන් මිය ගිය සියළුම දෙනා වෙනුවන් ලංගම බස් අඩවියේ කණගාටුව පල කෙරෙන අතර තුවාල ලැබූ සියළුම දෙනාට ඉක්මන් සුව ප්‍රාර්ථනා කරමු!

අනතුරේ බරපතල භාවය පිළිබඳ අදහසක් ගැනීම වෙනුවෙන් පහත ඡායාරූපය අද දෙරණ පුවත් අඩවියෙන් උපුටාගෙන මෙසේ පළකරමු. 

New Ashok Leyland 12M and Lynx buses for the SLTB

This photo was taken on September 17, 2019 in Narahenpita, Western, LK, using a Canon SX420 IS.
Click for the full size picture.

Today the Sri Lanka Transport board (SLTB) received 18 of new Ashok Leyland 12M 50 seater and 03 of Ashok Leyland LYNX 33 seater buses. Those are allocated to several depots. Totally 272 buses will allocate under this project. -- අද දින ශ්‍රී ලංකා ගමනාගමන මණ්ඩලය වෙනුවෙන් නව අශෝක් ලේලන්ඩ් 12M වර්ගයේ ආසන 50 බස් රථ 18 ක් සහ අශෝක් ලේලන්ඩ් LYNX වර්ගයේ ආසන 33 බස් රථ 3ක් ලැබුණු අතර ඒවා ඩිපෝවන් වෙත ලබාදීම සිදුවිය. ඒ යටතේ ඩිපෝවන් 06 ක් වෙත සංඛේතාත්මකව බෙදා දුන් බස් රථ 06 ක් ශ්‍රී ලංගම ශාලිකා ක්‍රීඩාංගන පරිශ්‍රයේ නවතා ඇති අකාරය ඡායාරූපයේ දැක්වේ. අදාළ බස් රථ ඩිපෝවන් මගින් උපයා ගෙවීමේ පදනම මත මිලදී ගෙන ඇත. මෙම ව්‍යාපෘතිය යටතේ ඉදිරියේදී අදියර කිහිපයක් යටතේ බස් රථ ඩිපෝවන් වෙත, ආසන 50 බස් රථ 272 ක් සහ ආසන 33 බස් රථ 53ක් වශයෙන් බෙදී යනු ඇත.

Ashok Leyland 12M buses -- අශෝක් ලේලන්ඩ් 12M වර්ගයේ බස් රථ

This photo was taken on September 17, 2019 in Narahenpita, Western, LK, using a Canon SX420 IS.
Click for the full size picture.

This photo was taken on September 17, 2019 in Narahenpita, Western, LK, using a Canon SX420 IS.
Click for the full size picture.

අශෝක් ලේලන්ඩ් 12M  වර්ගයේ මෙම බස් රථ, මේ දක්වා ශ්‍රී ලංගම යටතේ සාමාන්‍ය හා අර්ධ සුඛෝපබෝගී සේවා යටතේ ධාවනය වූ අශෝක් ලේලන්ඩ් වයිකින්ග් බස් රථ වලට වඩා යම් වෙනස්කම් වලින් යුක්තය. මෙහි කැපී පෙනෙන වෙනසක් වන්නේ රථය දිගින් වැඩි වීමය. තට්ටුවේ මුළු දිග මීටර 11.7 ක් ලෙස සඳහන් වේ. මෙහි බඳ ශ්‍රී ලංගම වෙනුවෙන් විශේෂයෙන් එකලස් කරන ලද්දක් වන අතර පැත්තෙන් පැමිණෙන ආපදා දොරටුව මෙන්ම පසුපස මුහුණතේ ආපදා දොරටුව වශයෙන් දොරටු දෙකක් රථ සතුය. සමස්ථ බස් රථයේ උස සාමාන්‍ය වයිකින්ග් බස් රථයකට වඩා තරමක් වැඩිය. පළලින් වැඩි 2X2 රටාවට සකසූ උස් ඇන්ද සහිත ආසන රථ සතු වන අතර ආසන අතර මගීන්ට පහසුවෙන් හුවමාරු විය හැකි ඉඩක් තිබේ. තාක්‍ෂණික වෙනස්කම් වශයෙන් ගත් කල ඉන්දියානු BS4 තාක්‍ෂණයට අනුකූලව රථ නිමවී ඇති අතර කොමන්රේල් තාක්‍ෂණයෙන් යුතු එනිජ්මක් රථ සතුය. 

This photo was taken on September 17, 2019 in Narahenpita, Western, LK, using a Canon SX420 IS.
Click for the full size picture.

This photo was taken on September 17, 2019 in Narahenpita, Western, LK, using a Canon SX420 IS.
Click for the full size picture.

ටියුබ් රහිත ටයර් වලින් රථ සමවිත වන අතර දුම් බටය ඉදිපස රෝදයට පිටුපසින් පිහිටා තිබීම විශේෂත්වයකි.

This photo was taken on September 17, 2019 in Narahenpita, Western, LK, using a Canon SX420 IS.
Click for the full size picture.

 Ashok Leyland LYNX buses -- අශෝක් ලේලන්ඩ් LYNX වර්ගයේ බස් රථ

This photo was taken on September 17, 2019 in Narahenpita, Western, LK, using a Canon SX420 IS.
Click for the full size picture.

මෙම ව්‍යාපෘතිය යටතේ ලැබුණු අශෝක් ලේලන්ඩ් LYNX බස් රථ වලද පූර්වයෙහි ලැබුණු බස් රථ වලට වඩා යම් යම් බාහිර වෙනස්කම් දක්නට ලැබේ. සමස්ථ බස් රථය උසින් වැඩි වීම ඒ අතරින් කැපී පෙනේ. තාක්‍ෂණික වෙනස්කම් වශයෙන් ගත් කල ඉන්දියානු BS4 තාක්‍ෂණයට අනුකූලව මෙම රථ ද නිමවී ඇති අතර කොමන්රේල් තාක්‍ෂණයෙන් යුතු එනිජ්මක් රථ සතුය. 

This photo was taken on September 17, 2019 in Narahenpita, Western, LK, using a Canon SX420 IS.
Click for the full size picture.

This photo was taken on September 17, 2019 in Narahenpita, Western, LK, using a Canon SX420 IS.
Click for the full size picture.

පසු සටහන: කෙසේ නමුදු මෙම ව්‍යාපෘතියට පෙරද  මෙම දෙවර්ගයේම බස් රථ කිහිපය බැගින් ඇතැම් ඩිපෝ මගින් උපයා ගෙවීමේ පදනම මත මිලදීගෙන ඇති බව සඳහන් කළ යුතුය.