Tuesday, March 2, 2021

ජංගම පුහුණු ඒකකයක් වූ ලංගම බස් රථය

ජංගම පුහුණු ඒකකයකට  පරිවර්ථනය වූ NA-1744 දරණ Mitsubishi Fuso Aero Star වර්ගයේ බස් රථය 2021 මාර්තු 20 දින ජාතික ආධුනිකත්ව සහ කාර්මික පුහුණු කිරීමේ අධිකාරියේ ප්‍රධාන කාර්යාල පරිශ්‍රයේ දී  
ජංගම පුහුණු ඒකකයකට  පරිවර්ථනය වූ NA-1744 දරණ Mitsubishi Fuso Aero Star වර්ගයේ බස් රථය 2021 මාර්තු 20 දින ජාතික ආධුනිකත්ව සහ කාර්මික පුහුණු කිරීම් අධිකාරියේ ප්‍රධාන කාර්යාල පරිශ්‍රයේ දී  
මා ඔබට පූර්වයෙහි සඳහන් කර ඇති පරිදි බස් රථය වනාහී සිය අවසන් නිමේෂය දක්වා මහජනයාට සේවය කරන්නා වූ අපූර්ව වස්තුවකි. එය ලංගම බසයක් වූ කලී එය ලාංකික ජන හදවත් වලට තවත් සමීපය. මේ ඒ වෙනුවෙන් ලැබෙන ආසන්නතම උදාහරණයයි. පොදු ප්‍රවාහනයෙන් විශ්‍රාම ගත් මෙම ලංගම බස් රිය දැන් පරිවර්තනය වී ඇත්තේ වෘත්තීය පුහුණුව හදාරණ දරුවන්ගේ ප්‍රායෝගික දැනුම තීව්‍ර කරන ජංගම පුහුණු ඒකකයකටයි. ජාතික ගමනාගමන සේවයෙන් විශ්‍රාම ගියද එතැන් පටන් මෙම බස් රථය දැයේ තාරුණ්‍යය නිපුණතාවයෙන් පිරිපුන් හෙට දවසක් කරා රැගෙන යාමේ ගමනට එකතු වී ඇත. සැබැවින්ම මෙය ජංගම ඉලෙක්ට්‍රිකල් හා ඉලෙක්ට්‍රොනික තාක්ෂණ විද්‍යාගාරයකි. NA-1744 දරණ Mitsubishi Fuso Aero Star වර්ගයේ මෙම රථය පූර්වයෙහි ශ්‍රී ලංගම ගාල්ල, මට්ටක්කුලිය හා කැස්බෑව යන ඩිපොවන්ට අනියුක්තව පොදු ප්‍රවාහන සේවා සපයා ඇත. 2018 වසරේ ලංකා ජර්මානු කාර්මික අභ්‍යාස ආයතනය වෙත අලුත්වැඩියාව පිණිස යවා ඇති මෙම රථය කලක් එහි පැවතී ඇති අතර 2021 මුල් භාගයේ ශ්‍රී ලංගම මගින් ජාතික ආධුනිකත්ව සහ කාර්මික පුහුණු කිරීම් අධිකාරිය (NAITA) වෙත මෙලෙස පවරා ඇත. පසුව ජාතික ආධුනිකත්ව සහ කාර්මික පුහුණු කිරීම් අධිකාරිය හා ශ්‍රී ලංගම ඒකාබද්ධ ව්‍යාපෘතියක් ලෙස ශ්‍රී ලංගම මහරගම ඩිපෝවේ දී ජංගම ඉලෙක්ට්‍රිකල් හා ඉලෙක්ට්‍රොනික තාක්ෂණ විද්‍යාගාරයක් ලෙස පරිවර්තනය වූ මේ අපූරූ රථය අද දින එනම් 2021 මාර්තු මස 02 වන දින ශ්‍රී ලාංකික දරු පරපුර වෙනුවෙන් තිළිණ වූයේ ජනාධිපතිතුමා අතිනි.
මේ පිලිබඳ ලංගම බස් අඩවිය වෙත අදහස් දැක්වූ ජාතික ආධුනිකත්ව සහ කාර්මික පුහුණු කිරීම් අධිකාරියේ පුහුණු අධ්‍යක්‍ෂතුමන් වන නිලන්ත ද සිල්වා මහත්මා පැවසුවේ බොහෝ කලක සිට තමන්ගේ සිතෙහි තිබූ සිහිනයක්, යම් දවසක සැබෑවක් විය යුතුව තිබූ අවශ්‍යතාවයක් අද ඉටු වූ බවයි. ඒ වෙනුවෙන් නිපුණතා සංවර්ධන, වෘත්තීය අධ්‍යාපන හා නව නිපැයුම් රාජ්‍ය අමාත්‍යංශයටත්, ශ්‍රී ලංකා ගමනාගමන මණ්ඩලයටත් විශේෂයෙන් දින 20 ක් වැනි කෙටි කාලයක දී රථයේ වැඩ නිම කර දුන් මහරගම ඩිපෝවටත් ඒ මහතා ස්තූතිය පළ කරයි. තවදුරටත් අදහස් දැක්වූ ඒ මහතා සඳහන් කළේ ප්‍රායෝගික පරීක්ෂණාගාර නොමැති ප්‍රදේශ වල දරුවන්ගේ පුහුණුව වෙනුවෙන් මෙම රථය යෙදවීමට බලාපොරොත්තු වන බවයි. තවද ඉදිරියේදී විවිධ ක්ෂේත්‍ර ඔස්සේ තවත් මෙවැනි රථ කිහිපයක් නිමවීමටද බලාපොරොත්තු වන බව එතුමා සඳහන් කරන ලදී.

NA-1744 අතීතය
2005 වසරේ ජපාන සුනාමි ආධාරයක් වශයෙන් මෙරටට ලැබී ඇති මෙම රථය 1993 වසරේ නිෂ්පාදනය කරන ලද්දකි. ටෝකියෝ නගරයේ පොදු ප්‍රවාහන අවශ්‍යතා වෙනුවෙන් නිමවී ඇති මෙම රථය 2005 වසරේ ශ්‍රී ලංකාවට ලැබෙන විට ජපානයේ වසර 12 ක සේවා කාලයක් නිම කොට තිබුණි. 2005 වසරේ මෙරටට ලැබීමෙන් පසු ශ්‍රී ලංගම යටතේ ඩිපෝවන් කීපයක් යටතේ පොදු සේවාවන් සඳහා දායක වී ඇති මෙම බස් රථය, මුලින් ශ්‍රී ලංගම ගාල්ල ඩිපෝව යටතේ පැවතී ඇති අතර ශ්‍රී ලංගම යටතේ අවසන් කාළ වකවානුවේ පැවතී ඇත්තේ මට්ටක්කුලිය හා කැස්බෑව ඩිපෝවන් යටතේය.
රථය 2013 වසරේ ශ්‍රී ලංගම මට්ටක්කුලිය ඩිපෝව යටතේ ධාවනය වෙමින්. මේ පිලිබඳ අප පෙර පල කල ලිපිය ලබාගැනීම සඳහා ඡායාරූපය මත click කරන්න.
2015 වසරේ ශ්‍රී ලංගම කැස්බෑව ඩිපෝව වෙත ලැබී ඇති රථය ඩිපෝව මගින් අලුත්වැඩියා කර ධාවනයට සපයන ලදී. 
2015 වසරේ මාර්තු මස කැස්බෑව ඩිපෝ ඉංජිනේරු අංශයේදී අලුත්වැඩියා වෙමින් 
පසුව ලංකා ජර්මානු කාර්මික අභ්‍යාස ආයතනය වෙත යැවී ඇති මෙම රථය ජංගම පුහුණු ඒකකයක් ලෙස නවීකරණය වන තෙක්ම එහි පැවතී ඇත
2019 පෙබරවාරි මස ලංකා ජර්මානු කාර්මික අභ්‍යාස ආයතන පරිශ්‍රයේ දී 
ටෝකියෝ නුවර මගී ජනතාවගේ පොදු ප්‍රවාහන අවශ්‍යතාව වෙනුවෙන් නිම වී, වසර 12 ක් ජපානයට සේවය කර, අහඹු සුනාමි ව්‍යසනය නිමිති කොට ලාංකේය මගියාට සරණ වීමට මෙහි පැමිණ, වසර 13 ක් ලාංකේය මගියා වෙනුවෙන් ඔබ මොබ සැරිසරා ඉනික්බිති රටේ සිසු පරපුරේ නැණස තීව්‍ර කිරීම වෙනුවෙන් යෙදවෙන මේ මහානර්ඝ වස්තුව තවත් බොහෝ කාලයක් ලාංකේය දරු පරපුර වෙනුවෙන් දිවයින පුරා ඔබ මොබ සැරිසරනු දැකීම ලංගම බස් අඩවියේ අපේ අභිප්‍රායයි. 

සටහන: උත්පල දිල්හාන් 
ඡයාරූප: රොෂාන් අතාවුද, උත්පල දිල්හාන් 
විශේෂ ස්තූතිය: ජාතික ආධුනිකත්ව සහ කාර්මික පුහුණු කිරීම් අධිකාරිය

2 comments:

  1. I appreciate your effort Uthpala.This bus manufacturer may not had a thought that this bus has new life with New mission and service. After long years ,I think more than 30 years in its intended purpose of transport passengers. I met this bus two years back and obtained this as a donation to NAITA through my former vice chairman Mr Jagath Ramanayaka who negotiated with Mayor of Tokyo to get 200 buses for this country just after Tsunami disaster.Mr Ramal Siriwardana,the chairman CTB two years,back agreed to donate this to NAITA to meet my long time ambition of setting up a Mobile Career Guidence unit to NAITA Training service. I must mentioned the support of Mr Ariyaratna ex DGM (Technical) in CTB who extended his support me to get this bus.Also present CTB chairman Mr. Kinsley Ranawaka and my present chairman Mr Tharanga Naleen Gamlath and Prof Mahinda Rupasinghe vice chairman who encourage and supported me to convert to Mobile Training Unit.Also the policy direction given by the Hon. State Minister Of our ministry Sitha Arambepolla and the Secretary with the staff in this challenging task .I want to mention the other main players of the CTB who supported me to repair this to running condition. Mr Rathnayaka Deport engineer Maharagama and his team with Deport Superintendent ,DE Ja ela deport Mr. Bandara Mr. Sumith Regional Engineer NWP.specially the two technicians Mr. Asitha and Priyanga.Also one of our Passed out Mr. Danushka who repaired AC system.I must mentioned the support extended by CGTTI management and staff who given support to repair in early years. Also the right hand type support of Training Officer Mr. Chandrakumara.However there are other technical staff in CTB who supported and I unable to mentioned in names.Finally the Mr Sumeda Director Admin and staff of Admin in NAITA.drivers Mr.Indika, Mr Ravindra,Mr. Mahesh,Anura and driver of IETI. mr Dharmasiri,the Principal of IETI and Lectures of it specially Mr Britto and Mr. Roshan, staff of electrical woodwork division finance djvidion,mr upali.Also the head of Everbolt and staff,RGB advertising .Sara Idea Advertising.Mr Suresh the Grafphic Disgner NAITA, heartly thanks for all team and all who trusted me on the successful completion the Task on time to make the WP NA 1744 for new mission.I hope this bus will serve to the youth and needy people in this country for another term of year by supporting them to uplift their life with better employment.I apologise if any person I nmissed to mentioned. All worked as team and achieved the result.Finally I would say Everything possible if you really committed.Thanks .
    Nilantha De Silva , Director (Training).NAITA.2021.03.03

    ReplyDelete
    Replies
    1. Thank you soo much Mr. Nilantha. It's very happy to see your ideas on this blog.

      Delete