මුහුදු පතුලේ කෘතීම වාසස්ථාන ලෙස බස් රථ ස්ථානගත කිරීමේ ව්‍යාපෘතිය යටතේ මුහුදු පත්ලේ ගිල්වන ශ්‍රී ලංගම මතුගම ඩිපෝවට අයත්ව තිබුණු 63-2961 දරණ Wesco ISUZU MT112 වර්ගයේ (Ex-Mobile Operation Unit) බස් රථය.
ශ්‍රී ලංකා මුහුදු කලාපය තුල මත්ස්‍ය ගහණය වැඩි කිරීමේ අරමුණින් මත්ස්‍ය පැටවුන් සඳහා කෘතීම වාසස්ථාන මුහුද පතුලේ තැන්පත් කිරීමේ ව්‍යාපෘතියේ දෙවන අදියර දකුණු මුහුදු කලාපය කේන්ද්‍ර කර සිදු කිරීම ගාල්ල ධීවර වරායෙන් 2021 පෙබරවාරි 27 දින ආරම්භ කරන ලදි. මෙම ව්‍යාපෘතිය ධීවර දෙපාර්තමේන්තුවේ මෙහෙයවීමෙන් ශ්‍රී ලංකා ධීවර වරාය නීතිගත සංස්ථාව, නාරා ආයතනය සහ ශ්‍රී ලංකා නාවික හමුදාව ඒකාබද්ධව ක්‍රියාත්මක කර ඇත. මේ වෙනුවෙන් ධීවර දෙපාර්තමේන්තුවේ මුල්‍ය ප්‍රතිපාදන මගින් මිලදී ගත් ධාවනයෙන් ඉවත් කර බොහෝ කාලයක් ඩිපෝ පරිශ්‍රයන් තුල අබලන් ව පැවති ශ්‍රී ලංගම බස් රථ, පැරණි දුම්රිය මැදිරි කොටස් සහ පුද්ගලයන් විසින් ලබා දෙන ලද භාවිතයෙන් ඉවත් කල මෝටර් රථ මෙන්ම වරායන් තුල වසර ගණනාවක් ගොඩ ගැසී තිබූ භාවිතයෙන් ඉවත් කරන ලද සහ නීති විරෝධී කටයුතු තුලින් රාජසන්තක කරන ලද ධීවර යාත්‍රා ද භාවිතා කර ඇත. මෙය මත්ස්‍ය ගහණයට මෙන්ම කිමිදුම් සංචාරක කර්මාන්තය දියුණු කිරීමටද ඉවහල් වන බව සාගර විද්‍යාඥයන් ගේ මතයයි.
VIDEO
මෙම ව්‍යාපෘතිය යටතේ 2021 පෙබරවාරි මස 27 දින මුහුදු පත්ලේ ගිල්වූ බස් රථ වන්නේ 30ශ්‍රී1256 දරණ ශ්‍රීලංගම බඳ සහිත අශෝක් ලේලන්ඩ් Viking 222 වර්ගයේ බස් රථය, 61-9091 දරණ අශෝක් ලේලන්ඩ් Comet Minor වර්ගයේ බස් රථය, 63-2961 දරණ Wesco ISUZU MT112 වර්ගයේ බස් රථය, NA-0558 දරණ Mitsubishi Aero Star වර්ගයේ බස් රථය සහ NA-1729 දරණ Mitsubishi Aero Star වර්ගයේ බස් රථය යන බස් රථයයි.
30ශ්‍රී1256 දරණ ශ්‍රීලංගම බඳ සහිත අශෝක් ලේලන්ඩ් Viking 222 වර්ගයේ බස් රථය
61-9091 දරණ අශෝක් ලේලන්ඩ් Comet Minor වර්ගයේ බස් රථය
NA-0558 දරණ Mitsubishi Aero Star වර්ගයේ බස් රථය
NA-1729 දරණ Mitsubishi Aero Star වර්ගයේ බස් රථය
ඉදිරි මාස තුනක කාලය තුල හම්බන්තොට, මාතර සහ ගාල්ල අවට මුහුදු ප්‍රදේශයේ ව්‍යාපෘතිය තව දුරටත් ක්‍රියාත්මක වේ. පළමු අදියර වශයෙන් ත්‍රිකුණාමලය අවට නැගෙනහිර මුහුදු සිමාවේ ස්ථාන 32 සාර්ථකව මෙම ව්‍යාපෘතිය ක්‍රියාත්මක කර ඇත.
Itha parani 30 sri langama bodi gahapu bus ekakuth ethana tibuna.eka eta wada hoda deyakata yodaganna thibuna.a wage bus ekak dan asawata dakinnath na.
ReplyDelete